ذبلت ومابقى فيني سوى همسات شوقي لك

غفى جرحي وقلت أصحى يجوز المحَكْ واجي لك
مدام الجرح بي نايم .. طلبتك قول وش جالك



سؤالٍ حيّر الضحكة بعيني شفني ابكي لك
وأنا صعبٍ عليّ ابكي لغير اطياف ترحالك



تغَطْىَ الجرح بلحافك صرخ يافلان بشكي لك
تعبت أزيّف افراحي أقول إن القهر هالك


تعبت ارقص على جروحي ولك طيري يغني لك
يزيّف لك شعوري بك يموت بلحظة اهمالك


ياعمرٍ كان يعنيلي كثير أشياء وأعني لك
علامك ترتحل عنّي بعد ماكنت لك حالك


أنا اذكر كنت لك أسهر يسامرني عَتَمْ ليلك
يحاكيني وش تسوي إلى من غبت عن بالك


تتوه بخَطْوتِكْ حاير تناديني وأنادي لك
تَشَكّى غيبتي عنّك وانا أشكي بُعد منزالك


تقول اني نبض قلبك بدوني موتك ايشيلك
واسَمّي يابعد نبضي عسى موتي قبل فالك


أبعرف ليش متغيّر تنفّضني مناديلك
وأنا اللي فيك مَ أصدق كلام وزور عذالك


انا جيتك بعد مانام جرحٍ كان يضوي لك
ابسأل بس وش ذنبي وانا اللي لابسه شالك


ألملم دمعتك وأضيق إلى من ضاق بك حيلك
ويفرح بك غلا قلبي اذا هو مهتني بالك


تعال وشيلني منّي تَعبت امشيك وامشي لك
تعال وهدهد أشواقي وخذني عَتّم ظلالك


ذبلت ومابقى فيني سوى همسات شوقي لك
ابغفى دامها ملّت تنادي جيّة وصالك



ممارااااق لي

ياعمرٍ كان يعنيلي كثير أشياء وأعني لك
علامك ترتحل عنّي بعد ماكنت لك حالك


أنا اذكر كنت لك أسهر يسامرني عَتَمْ ليلك
يحاكيني وش تسوي إلى من غبت عن بالك
ندوووو كم اعجبني حسن الاختيار فماراق لكي راق لي اقف حائر ماذا اقول وقد احتويتي كل الكلمات
صح لسانك ولسانه ياالغلا لاخلا ولا عدم ورود الكون اغلفها لكي بباقة ود وتقبلي مروري واعجابي
ويسلمووووووووووووووووووو

صح بدنك يابعدهم

نورت متصفحتي بتواجدك

وعطرتها بردك الراااائع

لا خلى ولا عدم يالغلا

كلمات غايه في الروعه يسلم قلب شاعرها ويسلم نبض قلبك يالغلا .. كم اسرتني حروفك جذبتني مشاعرك المرهفه لقد راقا لي مالامس انفاسك واصلي عطائك فقلمك يلهب الروح

ندوووش
حكآية وجع ترويهآ حروفك
أحسست بين طيآتهآ أبيآتً تحكي غطرسه الغيآب
وكيف هو عنفوآن الشوق وعشره الود والتودد
لروحك الطهر
هوآجيسي

الكااااسر

هواااجيسي
يعطيكم الف عافيه انرتم متصفحتي
بردودكم التي كانت مـختلفـه في كل شي
في احساسها الـجميـل .. والرائـع .. والعذبـ
اشعه كانت تصدر من هذه الـحروف بـ جمال ما تحتويـه
دمتم دوما بود
لاخلى ولاعدم من هالتواجد